हिउँ खेल्न गएका बारपाकका दुई किशोर पाँच दिनदेखि बेपत्ता
गोरखा । गोरखाको बारपाकका दुई किशोर पाँच दिनदेखि सम्पर्कविहीन भएका छन् । हिउँ खेल्न भनेर गएका बारपाक सुलिकोट गाउँपालिका-१ का १६ वर्षीय करण घले र वडा नम्बर-२ का १६ वर्षीय साइँला घले पाँच दिनदेखि बेपत्ता भएका जिल्ला प्रहरी कार्यालय गोरखाका डीएसपी प्रकाश दाहालले जानकारी दिए ।
गएको बिहीबार उनीहरु हिउँ खेल्न भन्दै धार्चे गाउँपालिका-४ लाप्राकतर्फ गएका परिवारका सदस्यहरुले बताएका छन् । बेपत्ता किशोरहरुलाई अभिभावकले आफैले खोज्दा नभेटेपछि प्रहरीलाई खबर गरिएको स्थानीय जितबहादुर घलेले बताए ।