माघ २६ को संसद बैठकको सम्भावित कार्यसूचीमा परेन एमसीसी
काठमाडौं । भोलि (माघ २६ गते) बस्ने प्रतिनिधि सभाको बैठकको सम्भावित कार्यसूचीमा एमसीसी परेको छैन । संसद सचिवालयले आज जारी गरेको बैठकको सम्भावित कार्यसूचीमा एमसीसी समावेश नगरेको हो ।
संसद सचिवालयका अनुसार बैठकमा प्रधानमन्त्री शेरबहादुर देउवाले थारु आयोगको प्रतिवेदन पेश गर्नेछन् भने संविधान सभा सदस्य जगतबहादुर ताजपुरीयाको निधनप्रति शोक प्रस्ताव पेश हुनेछ । अहिलेको सर्वाधिक चर्चाको विषय अमेरिकी सहयोग परियोजना मिलेनियम च्यालेन्ज कर्पोरेसन एमसीसी भने संसद बैठकमा पेश गर्ने कार्यसूची छैन ।
एमसीसी मुख्यालयले सो सम्झौता संसदबाट अनुमोदनका लागि यही फेब्रुअरी २८ (फागुन १६) सम्मको डेटलाइन दिएको सार्वजनिक भएको छ ।
