सरकारी बिजनेस सभामुखले रोक्नु गलत : एमाले महासचिव पोखरेल
काठमाडौं । नेकपा एमालेका महासचिव शंकर पोखरेलले अमेरिकी सहयोग नियोग मिलेनियम च्यालेञ्ज कर्पोरेसन (एमसीसी) सँगको सम्झौता संसदमा टेलब गर्न नदिएको भन्दै सभामुख अग्नि सापकोटाको आलोचना गरेका छन् ।
महासचिव पोखरेलले शुक्रबार बिहान सामाजिक सञ्जालमार्फत एमसीसी भनेर नलेखे पनि उनले ‘सरकारी बिजनेस’ सभामुखले रोक्नु गलत भएको टिप्पणी गरेका हुन् । सभामुख सापकोटाले भने विवादित एमसीसीका विषयमा सर्वदलीय सहमति भएपछि मात्र प्रतिनिधि सभा बैठकमा प्रस्तुत गरिनुपर्ने अडान लिइरहेका छन् ।
‘सरकारी बिजनेस सभामुखले रोक्नु गलत हो । यो नेकपा एमालेले कारबाही गरेका १४ जना सांसदको सूचना सभामुखले लुकाए जस्तै हो’, एमाले महासचिव पोखरेलले लेखेका छन्, ‘गलतलाई गलत भनौं ।’
