ओलीको आरोप : सभामुख निष्पक्ष नबन्दा संसद भेन्टिलेटरमा गयो


२८ माघ २०७८, शुक्रबार
70 Shares
kp sharma oli 1

काठमाडौं । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले संसद भेन्टिलेटरमा पुगेको बताएका छन् । शुक्रबार ‘स्थानीय तह निर्वाचन प्रशिक्षण तथा अभिमुखीकरण’ कार्यक्रमको शुभारम्भ गर्दै अध्यक्ष ओलीले संसद निरर्थक बनेको बताएका हुन् ।

उनले भने, ‘हामी संसदमा सहभागी हुन चाहन्छौं । तर, सरकारले हामीलाई त्यो अवसर दिइराखेको छैन । हाम्रो पार्टीविरुद्ध सभामुख पार्टी फोड्न सक्रिय रहन्छन् । सभामुख प्रतिपक्षविरुद्ध लड्छन् । सभामुखले पदीय मर्यादा ख्याल राखेनन् । संसदको बहुमूल्य समय खेर गयो । भेन्टिलेटरमा पुगेको अवस्थामा छ संसद ।’

salt trading.gif.pagespeed.ce .ZcRuUKaeUT

संसद निकम्मा ढंगले अलोकतान्त्रिक पेलाइका साथ निरर्थक हिसाबले अवरुद्ध भएको उनको भनाइ छ । ‘हामीले निस्कासन गरेका मान्छेहरुलाई कायम राखेर पार्टीलाई षड्यन्त्रपूर्वक फुटाइयो । पार्टी फुटाउने, सरकार गिराउने तत्वहरु, देशविरोधी तत्वसँग चुनावी तालमेल हुँदैन,’ ओलीले भने, ‘पार्टीमा त्यसता तत्वसँग तालमेल हुँदैन । सामान्यतया निर्वाचन एक्लै लड्छौं । नेकपा एमालेको विजय भए मात्रै देशमा सुशासन र समृद्ध आउँछ । चुनावमा एक्लै लड्छौं ।’

ncll 2

उनले थपे, ‘यो सरकार परमादेशबाट बनेको सरकार हो । गठबन्धनको सरकार बनेको ७ महिना पूरा भएको छ । यी ७ महिनामा नराम्रा कुरा बाहेक केही देख्न पाइएको छैन ।’

jagdamba.cement

प्रतिक्रिया

  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७