‘ए’ डिभिजन लिग : आज तीन खेल हुँदै
काठमाडौं । कतार एयरवेज शहीद स्मारक ‘ए’ डिभिजन लिगअन्तर्गत आज (शनिबार) तीन खेल हुँदैछन् । शनिबार दिउँसो १ बजे एन्फा कम्प्लेक्समा नेपाल पुलिस र सातदोबाटो युथ क्लबबीच प्रतिस्पर्धा हुनेछ ।
अहिलेसम्म नेपाल पुलिस क्लबले ९ खेलबाट १० अंक जोडेको छ भने सातदोबाटोले समान खेलबाट १२ अंक हात पारेको छ । सोही समयमा दशरथ रंगशालामा मछिन्द्र र च्यासल युथ क्लबबीच प्रतिस्पर्धा हुनेछ ।
लिगको शीर्ष स्थानमा रहेको मछिन्द्रले ९ खेलबाट २३ अंक जोडेको छ । लिगको पुछारमा रहेको च्यासलले भने ९ खेलबाट ५ अंक हात पारेको छ । त्यस्तै पौने ५ बजे दशरथ रंगशालामा नै मनाङ मर्स्याङ्दी र थ्री स्टार क्लबबीच प्रतिस्पर्धा हुनेछ । मनाङले ९ खेलबाट १९ अंक जोडेको छ भने थ्री स्टारले समान खेलबाट १६ अंक हात पारेको छ ।
