प्रधानन्यायाधीशविरुद्धको महाभियोगबारे छलफल गर्न कांग्रेसले बोलायो संसदीय दलको बैठक
काठमाडौं । सत्तारुढ नेपाली कांग्रेस सभापति एवं संसदीय दलका नेता शेरबहादुर देउवाले संसदीय दलको बैठक बोलाएका छन् ।
भोलि (मंगलबार) बिहान ९ बजे बैठक बोलाइएको कांग्रेस संसदीय दलले जनाएको छ ।
नयाँ बानेश्वरस्थित संघीय संसद् भवनको ल्होत्से हलमा संसदीय दलको बैठक बस्ने भएको छ । प्रधानन्यायाधीश चोलेन्द्र शम्शेर जबराविरुद्ध दर्ता महाअभियोग प्रस्ताव, अमेरिकी सहायता परियोजना एमसीसी सम्झौतालगायत समसामयिक विषयमा छलफल गर्न बैठक बोलाइएको कांग्रेस संसदीय दलले जनाएको छ ।
कांग्रेस, नेकपा (माओवादी केन्द्र) र नेकपा (एकीकृत समाजवादी) का सांसदले १ फागुनमा प्रधानन्यायाधीश जबराविरुद्ध महाअभियोग प्रस्ताव दर्ता गराएका छन् । त्यस्तै, सभामुख अग्निप्रसाद सापकोटाले ४ फागुनमा प्रतिनिधि सभाको बैठक बोलाएका छन् ।
