ह्वातै बढ्यो सुनको भाउ, तोलाको कति पुग्यो ?
काठमाडौं । नेपाली बजारमा आज (मंगलबार) सुनको भाउ ह्वात्तै बढेको छ । एकै दिन सुनको मूल्य प्रतितोला १ हजार २ सय रुपैयाँले बढेको हो ।
सोमबार प्रतितोला ९५ हजार ५ सय रुपैयाँमा कारोबार भएको छापावाला सुन आज ९६ हजार ७ सय रुपैयाँ कायम भएको हो । त्यस्तै तेजावी सुन भने प्रतितोला ९६ हजार २ सय रुपैयाँ कायम भएको छ ।
चाँदीको मूल्यमा समेत वृद्धि भएको छ । सोमबार प्रतितोला १३ सय रुपैयाँमा कारोबार भएकोमा आज १३३० रुपैयाँ कायम भएको नेपाल सुनचाँदी व्यवसायी महासंघले जनाएको छ ।
