.gif)
.gif)
.png)
हङकङमा नयाँ प्रमुख कार्यकारी छान्ने चुनाव सर्यो
२०७८ फाल्गुण ७ शनिबार ०७:४९ बजे
काठमाडौं । हङकङमा नयाँ प्रमुख कार्यकारी छान्ने चुनाव सरेको छ । हङकङको कार्यकारी परिषद्ले मार्च २७ तारिख अर्थात आउँदो चैत १३ गतेका लागि तय भएको चुनाव मे ८ तारिखमा सार्ने प्रस्ताव पारित गरेको छ ।
नयाँ प्रमुख कार्यकारीले जुलाइ महिनामा कार्यभार सम्हाल्ने छन् । वर्तमान कार्यकारी प्रमुख क्यारी लाम दोहोरिन सक्ने वा नयाँ अनुहार आउन सक्ने दुवै सम्भावना देखिएको छ । सन् २०१७ मा सम्पन्न चुनावमा लाम निर्वाचन समितिका बाह्र सय जनामध्ये ७७७ जनाको मत प्राप्त गरी निर्वाचित भएकी थिइन् ।
परिवर्तित व्यवस्था अनुसार यसपालि १५ सय सदस्यले नयाँ नेतृत्व चयन गर्नेछन् । चुनाव सार्न परिषद्ले विद्यमान आपतकालीन कानुनलाई आधार देखाएको छ । चीनले एक वर्षअघि हङकङमा नयाँ राष्ट्रिय सुरक्षा कानुन पनि लागू गरेको छ ।
