बलम्बु खोलामा १२ वर्षीय बालकको शव भेटियो
काठमाडौं । काठमाडौंको चन्द्रागिरीमा एक जना किशोरको शव भेटिएको छ । चन्द्रागिरी नगरपालिका-१२ स्थित बलम्बुमा १४ बर्षीय अनिश रावतको शव भेटिएको महानगरीय अपराध महाशाखाका एसएसपी बसन्त कुवँरले जानकारी दिए ।
रावत सोमबार दिउँसो ४ बजे घरबाट निस्केका थिए । उनी स्थानीय सगरमाथा बोर्डिङ्ग स्कूलमा कक्षा ६ मा अध्ययनरत थिए । अनिश लागूऔषध सेवनकर्ता रहेको प्रहरीको प्रारम्भिक अनुसन्धानबाट थाहा भएको छ । ‘हत्या आशंकामा अनुसन्धान गरिरहेका छौं’, एसएसपी कुवँरले भने । घटनास्थलमा फरेन्सिक चिकित्सकको टोली बोलाइएको छ ।