चिनियाँ उपराष्ट्रपतिले समकक्षी पुनलाई दिए बधाई
चिनियाँ उपराष्ट्रपतिको बधाई सन्देश लिएर उपराष्ट्रपतिलाई भेट्न नेपालका लागि चीनका राजदूत यु होङ मंगलबार अपरान्ह उपराष्ट्रपतिको कार्यालय बहादुर भवन पुगेका थिए । उपराष्ट्रपतिसँगको भेटमा राजदूत होङले चीनका उपराष्ट्रपति, चीन सरकार र आफ्नो तर्फबाट बधाई तथा शुभकामना टक्राएकी थिइन् ।
उपराष्ट्रपतिले आफू दोस्रो कार्यकालका लागि निर्विरोध निर्वाचित हुँदा बधाई दिएकोमा चीनका उपराष्ट्रपति, चीन सरकार र नेपालका लागि चिनियाँ राजदूतलाई धन्यवाद दिए । उनले चीनका नवनिर्वाचित उपराष्ट्रपतिलाई आफूले यसअघि नै बधाई दिएको स्मरणसमेत गरे ।
भेटमा उनले नेपाल चीन सम्बन्ध दिनप्रतिदिन प्रगाढ बन्दै गईरहेको उल्लेख गर्दै चीन सरकारले ल्याउको अवधारणा बेल्ट एण्ड रोड एनिसियटिभ (विआरआई)को प्रशंसा गरे । उनले विआरआईबाट विश्वले फाइदा लिने र छिमेकीको नाताले नेपालले बढी लाभाम्बित हुने विश्वास व्यक्त गरे ।
उपराष्ट्रपतिसँगको भेटमा चीनका राजदूत होङले नेपाल विकासको नयाँ युगमा प्रवेश गरेको बताए । उनले नेपाल विकासको नयाँ युगमा प्रवेश गरेको चीन अत्यन्त खुशी रहेको उल्लेख गर्दे नेपालको विकास गर्ने साझा प्रयासमा चीन अग्र मोर्चामा सहयोगी रहने बताए ।
भेटमा उपराष्ट्रपतिका कार्यालयका सचिव लाल शंकर घिमिरे र चिनियाँ दूतावासका पदाधिकारीहरुको समेतको उपस्थिति थियो ।