हिमपातले हुम्लामा हवाई सेवा अवरूद्ध, किसान भने खुशी
हुम्ला । हुम्ला जिल्लाको सदरमुकाम सिमीकोटमा पुनः हिमपात भएको छ । हिमपातको कारण सिमकोटमा हवाई सेवा समेत अवरुद्ध हुन पुगेको छ । नेपालगञ्ज र सुर्खेतबाट उडान हुने सम्पूर्ण हवाई सेवा बन्द भएका सिमकोट विमानस्थल कार्यालयले जनाएको छ ।
सदरमुकाम सिमीकोटमा पुस-माघ जस्तै अत्यधिक चिसो बढेपछि जनजीवन अस्तव्यस्त भएको छ । त्यस्तै हिमपातका कारण सदरमुकाम सिमीकोटसम्म आवतजावतमा समस्या रहेको छ । हिमपात हुँदा कृषक औधी रमाएका छन् । कृषक हरिप्रसाद जैसीले भने, ‘यस पटक जौ, गहुँ र उवाको उत्पादन राम्रो हुने भयो ।’ रासस