रुस-युक्रेन गोलाबारीमा एक भारतीय विद्यार्थीको मृत्यु, मोदीलाई कांग्रेसको यस्तो सुझाव
काठमाडौं । भारतले युक्रेनमा एक आफ्नो देशका विद्यार्थीको मृत्यु भएको पुष्टि गरेको छ । भारतीय विदेश मन्त्रालयका प्रवक्ता अरिन्दम बागचीले यसबारे जानकारी दिएका हुन् ।
उनले ट्वीटमा लेखेका छन्, ‘खारकिएभमा गोलीबारीमा एक भारतीय विद्यार्थीको मृत्यु भएको कुरा गर्दा हामीलाई गहिरो चोट लागेको छ । मन्त्रालय परिवारको सम्पर्कमा छ र मेरो सहानुभूति परिवारप्रति छ ।’
अरन्दिम बागचीले ट्वीटमा लेखेका छन्, ‘विदेश सचिव रुस र युक्रेनका अधिकारीसँग कुरा गरिरहेका छन् र भारतीय नागरिकलाई सुरक्षित त्यहाँबाट निकाल्न माग गरिरहेका छन् ।’ केही घण्टाअघि भारतले आफ्ना नागरिकलाई तत्काल युक्रेनको राजधानी किभबाट निस्कन भनेको थियो । युक्रेनस्थित भारतीय दूतावासले ट्वीट गरेर भारतीय नागरिकलाई ‘जे साधन उपलब्ध छन्, त्यसमार्फत् निस्कनुहोस्’ भनेको थियो ।
With profound sorrow we confirm that an Indian student lost his life in shelling in Kharkiv this morning. The Ministry is in touch with his family.
We convey our deepest condolences to the family.— Arindam Bagchi (@MEAIndia) March 1, 2022
यसैबीच कांग्रेस सांसद तथा लोकसभामा विपक्षी दलका नेता अधीर रञ्जन चौधरीले युक्रेनमा एक भारतीय विद्यार्थीको मृत्युप्रति दुःख व्यक्त गरेका छन् । उनले प्रधानमन्त्री नरेन्द्र मोदीलाई चुनावको सट्टा युक्रेनबाट भारतीय विद्यार्थीहरूलाई निकाल्नमा ध्यान दिन आग्रह पनि गरेका छन् ।
अधीर रञ्जन चौधरीले ट्वीट गरेका छन्-युक्रेनमा एक भारतीय विद्यार्थीको मृत्युले स्तब्ध र दुःखी छु । नरेन्द्र मोदीजीले चुनावको सट्टा युद्धग्रस्त युक्रेनबाट भारतीय विद्यार्थीहरूलाई निकाल्नमा ध्यान दिनुपर्छ ।
Advisory to Indians in Kyiv
— India in Ukraine (@IndiainUkraine) March 1, 2022
All Indian nationals including students are advised to leave Kyiv urgently today. Preferably by available trains or through any other means available.