जसपाको विधान अधिवेशन असारमा
काठमाडौं । सत्ता साझेदर जनता समाजवादी पार्टी (जसपा)को विधान अधिवेशन गर्ने निणर्य गरिएको छ । पार्टीको यही फागुन १६ गते बसेको कार्यकारिणी समितिको बैठकले ०७९ असार १ र २ गते विधान अधिवेशन गर्ने निणर्य गरेको केन्द्रीय कार्यालयका प्रमुख प्रकाश अधिकारीले जानकारी दिए ।
उक्त बैठकले फागुन २८ गते संघीय परिषद्को बैठक बोलाउने निणर्य पनि गरेको छ । साथै, फागुन २९ र ३० गते केन्द्रीय समितिको बैठक बस्ने सोही बैठकबाट निणर्य गरिएको अधिकारीले जानकारी दिए ।
