रुसका विदेशमन्त्रीको चेतावनी : तेस्रो विश्वयुद्ध विनाशकारी र आणविक युद्ध हुनेछ
काठमाडौं । रुसका विदेशमन्त्री सर्गेई लाभरोभले आफ्नो देशले युक्रेनलाई आणविक हतियार प्राप्त गर्न नदिने बताएका छन् । उनले तेस्रो विश्वयुद्ध विनाशकारी र आणविक युद्ध हुने चेतावनी पनि दिएका छन् ।
युक्रेनसँगको वार्ताका विषयमा लाभरोभले रुस युक्रेनसँगको दोस्रो चरणको वार्ताका लागि तयार रहेको तर युक्रेन अमेरिकाको इशारामा चलिरहेको आरोप लगाएका छन् । एक दिनअघि, लाभरोभले युक्रेन आणविक हतियार प्राप्त गर्न प्रयासरत रहेको बताएका थिए । उनले भनेका थिए, ‘यो ठूलो खतरा हो र यसलाई रोक्न आवश्यक छ ।’ बीबीसी