जुम्लाका ३२ वर्षीय युवकको हत्या आरोपमा दुई जना पक्राउ
काठमाडौं । जुम्लाका ३२ वर्षका मानबहादुर राउतको हत्या आरोपमा प्रहरीले दुई जनालाई पक्राउ गरेको छ ।
पक्राउ पर्नेमा बूढानीलकण्ठमा बस्ने २४ वर्षका याकुब चौधरी र १८ वर्षका करण पासवान रहेको काठमाडौं परिसरका प्रवक्ता दिनेशराज मैनालीले जानकारी दिए ।
यही फागुन १८ गते काठमाडौंको बूढानीलकण्ठ नगरपालिका-५ प्लटिङ जग्गामा उनको शव फेला परेको थियो । शरीरमा घाउचोट देखिएकाले प्रहरीले हत्याको आशंका गरेको थियो ।
