वागमती सफाइमा नेपाल एयर होस्टेज एकेडेमीका छात्राहरु (तस्विरहरु)
काठमाडौं । नियमित रुपमा हुँदै आएको वागमती सरसफाई अभियान अन्तर्गत आज (शनिबार) काठमाडाैंको पशुपति मन्दिर नजिकै रहेको वागमती खोला वरिपरि सरसफाइ गरिएको छ ।
बागमती सफाइ अभियान ४६० औं हप्ता पुगिसकेको छ । बागमती नदिलाई पुरानै स्वरुपमा फर्काउने उद्देश्यले वातावरणप्रेमीहरुको समूहबाट शुरु गरिएको अभियानमा अहिले विभिन्न व्यक्ति र संघसंस्थाहरु समेत जोडिएका छन् ।
आज नेपाल एयर होस्टेज एकाडेमी कमलादीका ६० जना छात्राहरु पनि सफाइ अभियानमा सहभागी भएका छन् । बागमती सफाइ अभियानमा आज सिजन मिडियाद्वारा आयोजना भइरहेको मिसेज व्यूटी क्वीन नेपाल प्रतियोगिताका सहमागीहरु समेत जुटेका थिए । सफाइ अभियानमा अभिनेत्री निरुता सिंहको विशेष उपस्थिति थियो । तस्विरहरु : प्रदीपराज वन्त
हेर्नुस् तस्विरहरु
