त्रिदेशीय टी-२० क्रिकेट श्रृंखलामा आज नेपाल र मलेसिया खेल्दै
काठमाडौं । त्रिदेशीय टी-२० क्रिकेट श्रृंखलामा आज (बुधबार) नेपाल र मलेसिया खेल्दै छन् । नेपालले आफ्नो दोस्रो खेलमा आज मलेसियासँग खेल्न लागेको हो ।
खेल दिउँसो साढे १२ बजे कीर्तिपुर मैदानमा शुरु हुनेछ । यसअघि पहिलो खेलमा अस्ती नेपालले पपुवा न्यूगिनी पीएनजीलाई १५ रनले हराएको थियो । त्यस्तै हिजोको खेलमा मलेसियाले पीएनजीलाई ८ रनले हरायो । नेपालले तेस्रो खेल भोलि पीएनजीसँग खेल्ने छ । त्रिदेशीय श्रृंखलामा नेपाल, मलेसिया र पीएनजी सहभागी छन् ।