नेपाल र भारतको जस्तो मित्रता विश्वमा कहीं देख्न पाइँदैन : मोदी
नयाँदिल्ली । भारतीय प्रधानमन्त्री नरेन्द्र मोदीले नेपाल र भारतको जस्तो सम्बन्ध कतै नभएको बताएका छन् । आज (शनिबार) नयाँदिल्लीस्थित हैदराबाद हाउसमा आयोजित संयुक्त पत्रकार सम्मेलनमा भारतीय प्रधानमन्त्री नरेन्द्र मोदीले दुई देशको सभ्यता, संस्कृति र आदान-प्रदानको धागो प्राचीन कालबाटै जोडिएको बताएका हुन् ।
उनले पत्रकार सम्मेलनमा भने, ‘भारत र नेपालबीचको मित्रता, हाम्रा नागरिकबीचको सम्बन्ध जस्तो उदाहरण विश्वमै कहीं देख्न पाइँदैन ।’
मोदीले भने, ‘अनादिकालदेखि हामी एक अर्काका सुख-दुःखका साथी रहेका छौं ।’ यसअघि दुवै देशका प्रधानमन्त्रीले जयनगर-कुर्था रेल, सोलु करिडोर प्रसारण लाइन, डिजिटल भुक्तानी ’रुपे’ उद्घाटन गरेका थिए ।
