स्कुल बसको ठक्करबाट महिलाको मृत्यु
सुनसरी । सुनसरीको इटहरी उपमहानगरपालिका-१८, नयाँटोलमा स्कुल बसको ठक्करबाट एक महिलाको मृत्यु भएको छ । स्थानीय ५५ वर्षीया मेहरुन खातुनको मृत्यु भएको हो ।
बेबिलोन सेकेण्डरी बोर्डिङ स्कुलको को १ क १८६६ नम्बरको बसले हिजो बिहान करिब साढे ७ बजे खातुनलाई ठक्कर दिएको थियो । खातुनको घटनास्थलमै मृत्यु भएको जनाइएको छ । बससहित चालकलाई इलाका प्रहरी कार्यालय पकलीले नियन्त्रणमा लिएको छ ।