पाकिस्तान : इमरान खान अब कामचलाउ प्रधानमन्त्री
काठमाडौं- पाकिस्तानको मन्त्रिपरिषद्को महाशाखाले एक सूचना जारी गर्दै इमरान खान अब पाकिस्तानको निर्वाचित प्रधानमन्त्री नरहेको उल्लेख गरेको छ ।
महाशाखाले जारी गरेको सूचनाअनुसार राष्ट्रपतिले संविधानको धारा ५८(१) अनुसार संसद् विघटन गरेसँगै उनी अब निर्वाचित प्रधानमन्त्रीको रुपमा रहने छैनन् र यो नियम तत्कालदेखि लागू हुनेछ ।
इमरान खानका राजनीतिक सञ्चार मामिलाका सल्लाहकार शाहबाज गिलल सामाजिक सञ्जालमार्फत मन्त्रिपरिषद् महाशाखाको यो सूचना शेयर गर्दै यो नियम र कानुन पनि भएको उल्लेख गरेका छन् । अब संविधानको २२४ए-(४) अनुसार कार्यवाहक प्रधानमन्त्रीको व्यवस्था नहुँदासम्म खानले प्रधानमन्त्रीको रुपमा नै जिम्मेवारी निर्वाह गर्नेछन् ।
