निर्वाचन आचारसंहिता प्रतिबद्धतापत्रमा हस्ताक्षर गर्न बोलाइएको बैठकमा विवाद
काठमाडौं । निर्वाचन आचारसंहिता प्रतिबद्धतापत्रमा हस्ताक्षर गर्न मंगलबार बोलाइएको बैठकमा विवाद भएको छ । निर्वाचन आयोगमा साना दलहरूले आचारसंहिता बनाउँदा आफूहरूलाई जानकारी नगराएको र हस्ताक्षर मात्रै गर्न बोलाइएको भन्दै आपत्ति जनाएका हुन् ।
‘६ दल र निर्वाचन आयोगको सिण्डिकेटबाट आचारसंहिता निर्माण भयो । साना दललाई थाहा छैन । अहिले हस्ताक्षर मात्रै गर्न भनियो’, छलफलमा सहभागी एक नेताले भने ।
छलफलका क्रममा विवाद भएपछि प्रमुुख निर्वाचन आयुक्त दिनेश थपलियाले आचारसंहिता कार्यान्वयन गर्ने मिति तोक्नुअघि प्रतिबद्धतापत्रमा हस्ताक्षर गर्ने चलन भएको बताए । कसैलाई सही गर्न मन नभए सही नगरी जान सकिने उनको भनाइ छ ।