एमसिसीविरुद्ध नेपालको शानदार जित (फोटो फिचर)


प्रकाशित मिति : August 22, 2017

काठमाडाैँ : नेपालले बेलायतको घरेलु टोली मेरिलेबोन क्रिकेट क्लब (एमसीसी) विरुद्ध शानदार जित हासिल गरेको छ । बेलायतको लर्ड्स क्रिकेट मैदानमा नेपालले जित विश्वकै पुरानो क्रिकेट टिमलाई उसैकै घरेलु मैदानमा पराजित गरेको हो ।

टस जितेर पहिले ब्याटिङ गरेको नेपालले पुरै ५० ओभर खेल्दै ८ विकेट गुमाएर २ सय १७ रन बनाएको थियो । जवाफमा उत्रिएको एमसीसी ४७।२ ओभरमा १७६ रनमै समेटियो।

नेपालको लागि ज्ञानेन्द्र मल्लले सर्वाधिक ३९ रन बनाए। कप्तान पारस खड्काले ३०, शरद भेषवाकरले २७, सागर पुनले २६, राजु रिजालले २४ र सोमपाल कामीले २० रन बनाए। बसन्त रेग्मी २४ रनमा नटआउट रहे।

नेपालबाट सागर पुन र वसन्त रेग्मीले ३-३, सोमपाल कामीले २ तथा शक्ति गौचन र सन्दीप लामिछानेले १-१ विकेट लिए ।

एमसिसीका तर्फबाट एडेरले शतकीय पारी खेले। तर बाँकी खेलाडीहरुमध्ये क्लार्कको १६ र विल्किन्सनको २० रन बाहेक कुनै पनि ब्याट्सम्यानलाई नेपाली बलरहरुले दोहोरो रन पनि बनाउन दिएनन्।

 


 

प्रतिक्रिया दिनुहोस्