मधेस पुरेर प्रचण्डले भने, ‘अब नागरिकताको समस्या समाधान हुन्छ’


२४ बैशाख २०७९, शनिबार
Prachanda ktm sabha scaled

धनुषा । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले नेकपा एमालेका कारण नागरिकताको समस्या समाधान हुन नसकेको आरोप लगाएका छन् ।

धनुषाको मिथिला नगरपालिकास्थित ढल्केबरमा आज आयोजित चुनावीसभालाई सम्बोधन गर्दै उनले एमालेले संसद् चल्न नदिएका कारण नागरिकताको समस्या समाधान नभएको बताएका हुन् । ‘एमालेले नै संसद् चल्न दिएको छैन । संसद्मा बहस हुन दिएको छैन । त्यसैले नागरिकताको समस्या समाधान गर्न ढिला भइरहेको छ । तर अब सदन खुल्ने बित्तिकै सबैभन्दा पहिले एमालेले माने पनि नमाने पनि नागरिकताको समस्या समाधान गर्नेछौ ।’

salt trading.gif.pagespeed.ce .ZcRuUKaeUT

अध्यक्ष दाहालले बुवा-आमाको नागरिकता भएर पनि छोराछोरीको नागरिकता प्राप्त गर्न नसक्नु लज्जास्पद अवस्था भएको उल्लेख गर्दै अदालतले अध्यादेश ल्याएर हैन संसद्को अधिवेशन भित्रैबाट छलफल गरेर नागरिकताको समस्या हल गर्न भनेको हुँदा अध्यादेश ल्याएर यसलाई समाधान गर्न नसकिएको स्पष्ट पारे । उनले यसलाई सदनबाट नै सम्बोधन गर्ने पनि बताए ।

city
ncll 2

पूर्व प्रधानमन्त्री समेत रहेका माओवादी अध्यक्ष दाहालले मधेसी जनताको अधिकारका निम्ति अन्तिमसम्म पनि सङ्घर्ष गरिरहने बताए । यसैगरी अध्यक्ष दाहालले मधेस र मधेसी जनताले सुख दुःखको साथी माओवादी केन्द्र नै भएको कुरा बुझिसकेको बताएका छन् । धनुषाको मिथिला विहारी नगरपालिकाको चुनावी सभालाई आज सम्बोधन गर्दै उनले मधेसी जनताकै मत पाएर आफू दोस्रो पटक प्रधानमन्त्री बन्न सकेको बताए ।

jagdamba.cement
nepal liquors

उनले भने, ‘मधेसी समुदायले, बुद्धिजीवीले यो परिवर्तनको बाहक र जनताको सुःख दुःखको साथी माओवादी केन्द्र नै हो भन्ने अब सबैतिर नयाँ चेतना र जागरण आएको छ ।’ अध्यक्ष दाहालले २०७० को निर्वाचनमा मधेसबाटै लडेको र मधेसी जनसमुदायको मत पाएरै आफू निर्वाचित भएको बताए ।

उनले भने, ‘मैले २०७० को निर्वाचन मधेसबाटै लडें, मधेसी जनसमुदायको मत पाएरै निर्वाचित पनि भएँ र दोस्रो पटक प्रधानमन्त्री पनि मधेसी जनताको मतकै कारणले भएँ । अब हामी तेस्रो निर्वाचन प्रक्रियामा प्रवेश गर्दैछौं, यो निर्वाचनमा मधेसले नयाँ रेकर्ड, नयाँ उदाहरण पेश गर्नुपर्नेछ ।’ उनले कहीकतै कुनै भ्रममा नपर्न आह्वान गर्दै देशमा आमूल परिवर्तन माओवादी बाहेक अरुले ल्याउन नसक्ने दाबी गरे ।

प्रतिक्रिया

  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७