बन्दोबस्तीका सामग्रीसहित मतदान केन्द्रमा खटाइयो सुरक्षाकर्मी


२६ बैशाख २०७९, सोमबार
Chunab police

बागलुङ । स्थानीय तह निर्वाचनका लागि बागलुङमा बन्दोबस्तीका सामग्रीसहित सुरक्षाकर्मी र कर्मचारी खटाइएको छ । सो स्थानीय तह निर्वाचनको लागि मतदान केन्द्रमा २७ गतेसम्म पुग्ने गरी सुरक्षाकर्मी र कर्मचारी खटाइएको छ ।

जिल्लामा निर्वाचनका लागि आएको मतपत्र, मतपेटिकासहितको ६१ प्रकारका सामग्री निर्वाचन अधिकृतलाई धमाधम हस्तान्तरण गरिएको छ । बागलुङको दुर्गम स्थानका मतदान केन्द्रमा खटाइएका कर्मचारीले धमाधम मतदानका लागि आवश्यक मतपत्र र मतपेटिकासहितका ६१ प्रकारका सामग्री बुझाएर केन्द्रमा खटाउन थालिएको जिल्ला निर्वाचन कार्यालय बागलुङका सूचना अधिकारी गकुलप्रसाद शर्माले जानकारी दिए ।

salt trading.gif.pagespeed.ce .ZcRuUKaeUT

‘जिल्लामा ४६० मतदान अधिकृत र सहायक अधिकृतलाई सामग्रीसहित बुझाउन थालिएको छ, टाढा टाढा केन्द्रका जाँदै गर्नुहुन्छ, नजिकका केन्द्रका २७ गतेसम्म पुग्नेछन्’, सूचना अधिकारी शर्माले भने, ‘मतदान अधिकृत र सहायक मतदान अधिकृतलाई शनिबार नमूना मतदान गरेर पठाएका छौं, अन्य कर्मचारी स्थानीय पालिकाका हुन्छन्, उतैबाट खटिन्छन् ।’

city
ncll 2

मतदान अधिकृत, सहायक मतदान अधिकृत, मतदानस्थलमा मतदाता संख्याको आधारमा स्थानीय पालिकाका कर्मचारी र ६९० स्वयंसेवक गरी एक हजार ९०० कर्मचारी खटाइएको छ । मदतान केन्द्रमा एक हजार १५० कर्मचारी, १० निर्वाचन अधिकृतको कार्यालयमा ९० र ६९० स्वयंसेवक गरी एक हजार ९३० कर्मचारी परिचालन गरिएको छ । दुई सय ३० मतदान केन्द्रमा तीन जनाका दरले ६९० जना स्वयंसेवक स्थानीय खटाइने छन् ।

jagdamba.cement
nepal liquors

जिल्लामा निर्वाचनलाई भयरहित बनाउनका लागि सुरक्षा व्यवस्था चुस्त बनाइएको जिल्ला प्रहरी कार्यालयका प्रहरी उपरीक्षक दयानिधि ज्ञवालीका अनुसार मतदान केन्द्रमा शनिबारदेखि नै सुरक्षाकर्मी परिचालन गरिएको छ । उनीहरूलाई बन्दोबस्तीका सामग्रीसहित शनिबार बागलुङ बजारबाट केन्द्रतर्फ पठाइएको छ ।

‘हामीले जिल्लाका १०३ मतदानस्थलमा सुरक्षा व्यवस्था चुस्त बनाउनका लागि प्रमुख जिल्ला अधिकारीको नेतृत्वको समितिले स्थलगत अनुगमन गरिरहेका छौं, हामीले मतदानस्थललाई अति संवेदशनशील, संवेदनशील र सामान्य गरी विभाजन गरेका छौं’, ज्ञवालीले भने, ‘सोही अनुसार फरक-फरक सुरक्षा योजना छ, त्यहीअनुसार सुरक्षाकर्मी परिचालन गरेका छौं, आइतबारदेखि मतदानस्थलको सुरक्षा दिन थालिसकेको छ, विस्तारै २७ गतेसम्म पूणर् सुरक्षा दिन्छौं ।’

ज्ञवालीका अनुसार जनताले ढुक्क भएर मतदान गर्ने वातावरण तयार गर्न कुनै कसुर बाँकी राखिएको छैन । जिल्लामा ७०० नेपाल प्रहरी, ९८३ म्यादी प्रहरी, सशस्त्र प्रहरी ३३० र नेपाली सेना ५५० गरी दुई हजार ५६३ सुरक्षाकर्मी परिचालन गरिएको छ ।

निर्वाचनको पूरै सुरक्षा व्यवस्थाको जिम्मा भने नेपाल प्रहरीलाई दिइएको छ । म्यादी प्रहरीको सहयोगमा नेपाल प्रहरीले निर्वाचनमा सुरक्षा दिइनेछ । मतदान केन्द्रमा म्यादीसहित प्रहरी परिचालन गरिने छ भने बाहिरी घेरामा सशस्त्र प्रहरी खटाइनेछ ।

मतदानस्थल नजिकै नेपाल आर्मी परिचालन गरिने छ ।  मतदानस्थलको भौगोलिक अवस्था, अघिल्ला निर्वाचनको गतिविधि, मतदाता सङ्ख्या, स्थानीय नागरिकको अवस्थालाई ध्यानमा राखेर सुरक्षाकर्मी पठाइएको छ । दश पालिका रहेको जिल्लामा बागलुङमा एक लाख ९३ हजार २२६ मतदाता, २३० मतदान केन्द्र र १०३ मतदानस्थल रहेको छ ।

प्रतिक्रिया

  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७