सोलुखुम्बुकाे लिखुपिकेमा कांग्रेसका मिना कार्की र ङवाङ ल्हाक्पा शेर्पा विजयी
सोलुखुम्बु, १ जेठ । सोलुखुम्बुको लिखुपिके गाउँपालिकामा नेपाली कांग्रेसका उम्मेदवारहरु विजयी भएका छन् ।
नेकपा माओवादी केन्द्रका उम्मेदवारलाई पछि पार्दै लिखुपिके गाउँपालिका अध्यक्षमा मिना कार्की र उपाध्यक्षमा ङवाङ ल्हाक्पा शेर्पा विजयी भएका हुन् ।
मिना कार्कीले पूर्व पालिका अध्यक्ष डम्बरबहादुर बस्नेतलाई १ सय ४७ मतले पछि पार्दै जित हात पारे । बस्नेतको पक्षमा ११ सय १३ मत खसे ।
यस्तै, पालिका उपाध्यक्षमा जित हात पारेका ङवाङल्हाक्पा शेर्पाले १४ सय ११ मत प्राप्त गरे। उनका निकटतम प्रतिष्पर्धी माओवादी केन्द्रका उम्मेदवार प्रमिला बस्नेतले ८ सय ६७ मत ल्याए । बस्नेत यस अघि पनि यही पालिकाकी निर्वाचित उपाध्यक्ष हुन् ।
त्यस्तै नेकपा एमालेबाट पालिका अध्यक्षका उम्मेदवार पोष्टकुमार कार्कीले ५ सय ८० मत प्राप्त गरे ।
