भोजपुरको आमचोकमा माओवादी केन्द्रको अशोक राई र सीता राई विजयी
भोजपुर, २ जेठ । भोजपुरको आमचोक गाउँपालिकामा नेपाली काँग्रेस र नेकपा एमालेका संयूक्त उम्मेदवारलाई हराउँदै नेकपा माओवादी केन्द्रका अध्यक्ष र उपाध्यक्ष दुबै निर्वाचित भएका छन्।
माओवादीका अध्यक्षका उम्मेदवार अशोक राईले ३६८६ मत ल्याएर निर्वाचित भएका हुन् । उनका निकटत्तम प्रतिद्धन्द्धी एमालेका वसन्त राईले ३२५८ मत ल्याए ।
यस्तै उपाध्यक्षमा माओवादीकी सीता राईले ३५११ मत ल्याएर विजयी भएकी छिन् गठबन्धनबाट काँग्रेसका उपाध्यक्ष छिरिङ शेर्पाले ३१०३ मत ल्याएर पराजित भएका छन् ।
माओवादीकी सीताले काँग्रेस एमालेका संयुक्त उम्मेदवार छिरिङलाई ४०८ मतले पराजित गरेकी छिन्।
यस्तै आमचोक गाउँपालिकाका १० वडा अध्यक्षमध्ये माओवादीले ६ वडा अध्यक्ष जितेको छ। काँग्रेसले २ र एमालेले २ वडा अध्यक्ष जिते।
यो पालिका प्रदेश नम्बर एकका पूर्वमुख्यमन्त्री शेरधन राईको पालिका समेत हो ।