एमालेले जित्यो काठमाडौंको दोस्रो पालिका
काठमाडौँ । नेकपा एमालेले काठमाडौँमा दोस्रो पालिकामा जित दर्ता गरेको छ । बुढानिलकण्ठ नगरपालिकाको मेयर र उपमेयरमा एमालेका उम्मेदवार विजयी भएका हुन् ।
मेयरमा मिठाराम अधिकारी १४ हजार २५० मत ल्याएर विजयी भएका हुन् । कांग्रेसका उम्मेदवार विनोद चालिसेले ११ हजार ५१२ मत प्राप्त गरे । उपमेयरमा एमाले उम्मेदवार अनिता लामा १४ हजार ३१४ मतसहित विजयी भइन् । कांग्रेस उम्मेदवार रमिला वाग्ले ११ हजार ९७२ मत पाइन् ।
बुढानिलकण्ठमा यसअघि पनि एमाले नै विजयी भएको थियो । एमालेले काठमाडौँको टोखा नगरपालिकामा जित हात पारेको छ । काठमाडौँकै शंकरापुर नगरपालिकाको मेयरमा भने राप्रपाले जित हात पारेको छ ।