रुपन्देही देवदहको मेयर र उपमेयर दुबैमा एमाले विजयी
रुपन्देही । रुपन्देहीको देवदह नगरपालिकाको मेयर र उपमेयर दुवै पद नेकपा एमाले निर्वाचित भएको छ । मेयर पदमा ध्रुव खरेल र उपमेयरमा विद्यालक्ष्मी गुरुङ निर्वाचित भएका छन् ।
मेयरमा निर्वाचित खरेलले नेपाली कांग्रेसका हिरा खत्रीलाई १,६२० मत अन्तरले पराजित गरेका हुन् । खरेलले १२ हजार ९४३ मत पाउँदा खत्रीले ११ हजार ३२३ मत पाए ।
खत्री २०७४ सालको निर्वाचनमा एमालेका टीकाराम चापागाईंलाई पराजित गरी नगर प्रमुख निर्वाचित भएका थिए । गुरुङले २०७४ सालमा पनि उपमेयर जितेकी थिइन् । उनले ३,७८४ मत पाउँदा नेकपा माओवादी केन्द्रकी सुन्दरी गिरीले ७,२९० मत पाएकी छन् ।
