काठमाडौंमा बालेनको अग्रता कायमै, स्थापित र सिर्जनाको मतान्तर १३५
काठमाडौं । काठमाडौं महानगरपालिकाका स्वतन्त्र उम्मेदवार बालेन साह ३३ हजार ६३४ मतसहित अग्रस्थानमा छन् । निर्वाचन अधिकृतको कार्यालयले दिएको पछिल्लो जानकारी अनुसार उनलाई १८ हजार १८९ मतसहित एमालेका उम्मेदवार केशव स्थापितले पछ्याइरहेका छन् ।
गठबन्धनबाट उम्मेदवार बनेकी सिर्जना सिंहको १८ हजार ५४ मत आएको छ । सिर्जना र स्थापितको मतान्तर १३५ मात्रै छ । हालसम्म ९१ हजार ९७२ मत गणना भएको छ ।