जजिराको जहाजमा रगतदेखिएपछि चरासँग ठोक्किएको आशंकामा ‘होल्ड’
रुपन्देही : गौतमबुद्ध अन्तर्राष्ट्रिय विमानस्थलमा अवतरण गर्ने क्रममा चरा ठोक्किएको आशंकापछि जजिरा एयरलाइन्सको जहाजको ‘होल्ड’ भएको छ ।
एक सय २१ जना यात्रु बोकेर कुबेतबाट आएको जजिरा एयरलाइन्सको जहाजमा गए राति पौने २ बजे अवतरण गरेको थियो।
साढे २ बजे ३८ जना यात्रु लिएर फर्कने समय भएपनि चरा ठोक्किएसँगै सावधानी अपनाउँदै राति नै फिर्ता जानुपर्ने जजीराले अहिलेसम्म उडान गरेको छैन । जहाज अहिलेसम्म विमानस्थलमै छ ।
विमानस्थलका प्रवक्ता श्यामकिशोर साहका अनुसार जहाजको बाहिरी भागमा रगत देखिए पनि रनवेमा कतै चरा देखिएको छैन।
जहाजमा क्षति भएको छैन भने यात्रुहरु पनि सकुशल छन्।