यसरी रोकियो नेकपा एसका मन्त्री हेरफेर


२३ जेष्ठ २०७९, सोमबार
63 Shares
samajbadi new minister

काठमाडौं । नेकपा एकीकृत समाजवादी पार्टीको आइतबार बसेको सचिवालय बैठकले आफ्ना चार जना मन्त्रीलाई फिर्ता बोलाएर उक्त स्थानमा अन्य चार जनालाई पठाउने निर्णय गर्‍यो । सो निर्णयसँगै अध्यक्ष माधवकुमार नेपालले पार्टीबाट मन्त्रीमा सिफारिस भएका चार जनाको नाम पनि प्रधानमन्त्री शेरबहादुर देउवालाई बुझाए ।

सोमबारका लागि शपथ ग्रहणको व्यवस्था मिलाउनु होला भनेर अध्यक्ष नेपाल आइतबार बालुवाटारबाट बाहिरिएका थिए । लगत्तै मन्त्रिपरिषद् हेरफेरको चर्चा आइतबार दिनभर चल्यो । सरकारबाट पार्टीले फिर्ता बोलाएका नेकपा एकीकृत समाजवादीका नेताहरुले तत्कालै प्रधानमन्त्री देउवासँग भेट गर्न चाहेका थिए तर त्यो सम्भव भएन ।

salt trading.gif.pagespeed.ce .ZcRuUKaeUT

नेकपा एकीकृत समाजवादीको यो निणर्यले गठबन्धन र सरकार दुवैमा असर पर्ने भन्दै जनता समाजवादी पार्टी नेपालका अध्यक्ष उपेन्द्र यादवले बालुवाटार पुगेर प्रधानमन्त्री देउवालाई तत्काल मन्त्रिपरिषद्मा हेरफेर नगर्न सुझाव दिएको स्रोत बताउँछ ।

ncll 2

सोमबार बिहानै नेकपा एकीकृत समाजवादीका चार जना मन्त्री विरोध खतिवडा, रामकुमारी झाँक्री, प्रेम आलेमगर र किसान श्रेष्ठले प्रधानमन्त्री देउवासँग भेट गरी मन्त्रीबाट हटाएको विषयमा गुनासो गरेका थिए । प्रधानमन्त्री देउवाका निजी सचिवालयका एक सदस्यले भने, ‘बजेट पारित हुन बाँकी छ, चुनाव नजिक आइसक्यो, नयाँ आर्थिक वर्ष आउन लागेको छ, यस्तो अवस्थामा मन्त्री हेरफेर गरियो भने सबैतिर असर पर्न सक्छ, त्यसैले यसलाई रोक्नु पर्छ भनेर उहाँहरुले प्रधानमन्त्री देउवालाई भन्नुभयो ।’

jagdamba.cement

स्रोतका अनुसार उनीहरुले बजेटको बारेमा संसदमा छलफल भइरहेको छ, त्यसको जवाफ दिन बाँकी नै रहेको भन्दै नयाँ मन्त्रीलाई मन्त्रालयगत बजेटको बारेमा केही थाहा नहुने भएकाले संसदमा जवाफ दिन समेत कठिन हुने तर्क गरेका थिए ।

मन्त्रीहरुले आ-आफ्नो गुनासो राखिसकेपछि प्रधानमन्त्री देउवाले अहिले मन्त्री हेरफेर हुँदैन, तपाईहरु आ-आफ्नो काममा लाग्नुस् भनेर बालुवाटारबाट फर्काएका थिए । उनीहरु फर्केर आ-आफ्नो मन्त्रालय गएर काम गर्न थालेका छन् ।

नागरिक उड्डयन तथा संस्कृति मन्त्री प्रेम आलेमगरले भने, ‘मन्त्री हेरफेर हुन्छ कि हुँदैन थाहा छैन तर प्रधानमन्त्री ज्यूले तपाईहरु आ-आफ्नो काममा लाग्नुस् भनेर पठाउनु भएको छ ।’ आफू मन्त्रालयमा पुगेर नियमित काम गरिरहेको उनले बताएका छन् ।

प्रतिक्रिया

  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७