रवि लामिछाने कुनै पार्टीमा नजाने, आज नयाँ पार्टी घोषणा गर्ने
काठमाडौं : केही दिनअघि आसन्न प्रतिनिधिसभा निर्वाचनमा उम्मेदवारी दिने घोषणा गरेका सञ्चारकर्मी रवि लामिछानेले आज नयाँ राजनीतिक दलको घोषणा गर्दैछन् । राष्ट्रिय सभागृहमा हुने कार्यक्रममा उनले नयाँ दलको औपचारिक घोषणा गर्न लागेका हुन् ।
लामिछाने नेपाली कांग्रेसमा जाने चर्चा चलिरहेको बेला राष्ट्रिय सभागृहमा हुने कार्यक्रममा उनले आफ्नो दलको औपचारिक घोषणा गर्ने भएका हुन् ।
ग्यालेक्सी टेलिभिजनबाट राजीनामा दिएका लामिछानेले आगामी प्रतिनिधिसभाको चुनावमा काठमाडौं– ३ बाट उम्मेदवारी दिन चाहेका छन् ।
रविले काठमाडौंको बसुन्धारामा आफ्नो कार्यालय स्थापना गरिसकेका छन् ।
