प्रधानमन्त्री ओलीको भारत भ्रमणको मिति घोषणा, यस कारण पहिलो प्राथमिकतामा भारत
काठमाडौं, १६ चैत : परराष्ट्र मन्त्रालयले आज प्रधानमन्त्री केपी शर्मा ओलीको भारतको राजकीय भ्रमणको मिति घोषणा गरेको छ । उनी चैत २३ देखि २५ सम्म भारत भ्रमणका लागि जाने भएका छन् । ओलीले पहिलो भ्रमण भारतलाई रोजेका छन् ।
ओलीको भ्रमण चैत २४ देखि २६ सम्मका लागि भारतले प्रस्ताव गरेको थियोे । तर नेपालले एक दिन पहिला हुने जवाफ पठायो । भारतले ओलीको अनुकूल हुने गरी चैत २३–२५ मा सहमति जनाएको छ । पहिलो प्रधानमन्त्रीका रूपमा ओलीले २०७२ फागुन ७ देखि ११ सम्म भारत भ्रमण गरेका थिए । दोस्रो पटक प्रधानमन्त्री भएका ओलीलाई भारतका प्रधानमन्त्री नरेन्द्र मोदीले तीन पटक फोनबाट र एक पटक औपचारिक पत्र पठाइसकेका छन् ।
