अर्थमन्त्रीको बर्खास्ती माग गर्दै युवा संघको प्रदर्शन
काठमाडौँ । प्रमुख प्रतिपक्षी दल एमाले निकट राष्ट्रिय युवा संघ नेपालले अर्थमन्त्री जनार्दन शर्माको बर्खास्तीको माग गर्दै आज (मंगलबार) काठमाडौंमा प्रदर्शन गरेको छ । अर्थमन्त्रीको विरोधमा विभिन्न नारा लगाउँदै युवा संघले मंगलबार सिंहदरबार क्षेत्रमा प्रदर्शन गरेको हो ।
अर्थमन्त्री शर्मामाथि बजेट निर्माणका क्रममा अनधिकृत व्यक्तिको संलग्नतामा करका दर हेरफेर गरेको आरोप लाग्दै आएको छ । प्रदर्शनकारीले ‘गठबन्धनको डेटिङमा, बजेट आयो सेटिङमा’, ‘सिसिटिभी फुटेज हाम्रो अधिकार, राजीनामा होइन अब बर्खास्त गर’लगायतका नारा लगाएका थिए ।
