लोकसेवाको उत्तर पुस्तिका परीक्षणमा समावेशी समूहलाई पूर्वाग्रह हुनसक्ने भन्दै सुधारको माग
काठमाडौँ, ३० असार । लोकसेवा आयोगले लिने परीक्षाको उत्तर पुस्तिका परीक्षणमा पूर्वाग्रह हुनसक्ने भन्दै लोकसेवाका परीक्षार्थीहरुले सुधार गर्न माग गरेको छ ।
लोकसेवा आयोगको अध्यक्ष माधव प्रसाद रेग्मीलाई लोक सेवा परीक्षार्थी नामको समूहले हस्ताक्षरसहित लेखिएको निवेदन पत्रमा उत्तर पुस्तिका निर्माणको संरचना परिवर्तन गर्न माग गर्दे परीक्षणलाई विश्वसनीय बनाउन माग गरेको हो ।
परीक्षार्थीहरूले उत्तर पुस्तिका परीक्षणमा समावेशी समूहमा अन्तर्गत पनि परीक्षा दिएका विधार्थीहरुलाई विज्ञहरूबाट नम्बर प्रदान गर्दा पूर्वाग्रह हुनसक्ने बताएका छन् ।
निवेदन पत्रमा लेखिएको छ, ‘नेपालको संविधानले परिकल्पना गरेको समानुपातिक समावेशीकरण र सामाजिक न्याय जस्ता सिद्धान्तलाई मूर्तरूप दिन लोकसेवा आयोगले खेलेको भूमिकाप्रति असीम सम्मान व्यक्त गर्दे निजामती सेवा ऐन, २०४९ को दफा ७ को उपदफा (७) ले गरेको व्यवस्था बमोजिम हुने र लोकसेवाको उत्तरपुस्तिकाको संरचनामा ध्यानाकर्षण भएको छ ।’
उत्तर पुस्तिका संरचनामा अनुसार विज्ञले उत्तर पुस्तिका परीक्षण गर्दा कुन समावेशी समूहको पर्ने उम्मेदवार हो भन्ने प्रस्ट हुने भएकोले विज्ञ समावेशीकरणको विरोधी वा समर्थक भए परीक्षणमा प्रभाव पर्ने सक्नेछ ।
निवेदनमा लेखिएको छ, ‘उम्मेदवारको समावेशी समूह समेत गोप्य राख्ने गरी उत्तर पुस्तिकाको डिजाइन गरी प्रयोग गर्नुपर्ने हाम्रो ठम्याई छ । यसले विज्ञलाई पूर्वाग्रह हुन सक्ने सम्भावनाबाट अलग राख्ने, विज्ञ समावेशीकरणको विरोधी वा समर्थक जे भए पनि फरक नपर्ने र कर्मचारी भर्ना एवं छनौट प्रणाली निष्पक्ष हुनेछ ।’
उत्तरपुस्तिका परिक्षणमा नमुना ।निजामती सेवामा नै प्रवेश गरिसकेको एक परिक्षार्थीका अनुसार यसरी परीक्षणमा एक नम्बर नै तलमाथि भए योग्यता क्रममा असर पर्ने उनले बताए ।
निजामती कर्मचारी ऐन अनुसार महिला, आदिवासी/जनजाति, मधेसी, दलित, अपाङग र पीछडिएको क्षेत्र गरी ६ वटा समावेशी समूह रहेको छ । परिक्षार्थीले उत्तरपूस्तिकामा आफु कुन समुहको उम्मेद्वार हो विज्ञापन लेख्नुपर्ने हुन्छ । त्यही लेखिएको उत्तरपुस्तिका विज्ञबाट परिक्षण हुने गर्दछ ।
