आज यी नदीमा बाढीको सम्भावना, सर्तक रहन आग्रह
काठमाडौँ । देशका केही नदीहरूमा आज (सोमबार) पानीको बहाव उल्लेख्य बढ्ने पूर्वानुमान छ ।
जल तथा मौसम विज्ञान विभागअन्तर्गतको बाढी पूर्वानुमान महाशाखाका अनुसार आज बेत्रावतीस्थित त्रिशूली, दिपायलस्थित पश्चिम सेती र पारिगाउँस्थित महाकाली नदीमा बहाव उल्लेख्य बढ्नेछ । अरू केही नदीहरूमा बहाव सामान्य बढ्ने महाशाखाले जनाएको छ ।
आज सोलुखुम्बु, दोलखा, सिन्धुपाल्चोक, रसुवा, नुवाकोट, कास्की, लमजुङ, रोल्पा, रुकुम पश्चिम, सुर्खेत, दैलेख, बाजुरा, बझाङ, बैतडी, दार्चुला र आसपास भई बहने केही साना नदीहरूमा बहाव बढ्ने छ । केहीमा आकस्मिक बहाव समेत हुन सक्ने पूर्वानुमान छ । बर्षासँगै बाढीको सम्भावना रहेकाले उच्च सतर्कता अपनाउन आग्रह गरिएको छ ।