ट्वीटरलाई २७० मिलियन डलर घाटा
काठमाडौं । सामाजिक सञ्जाल ट्वीटरलाई २७० मिलियन डलर घाटा भएको छ । अप्रिल-जुनको पहिलो त्रैमासिकमा ट्वीटरलाई नोक्सान बेहोर्नुपरेको हो ।
पछिल्लो समय विश्वकै धनी व्यक्ति एलन मस्क र ट्वीटरबीच द्वन्द्व चलिरहेको छ । यसअघि नै ट्वीटर किन्ने सम्झौता गरिसकेका मस्कले पछिल्लो समय ट्वीटर किन्न अस्वीकार गर्दै आएका छन् ।
ट्वीटरले नोक्सान बेहोर्नुमा पनि दुई पक्षबीचको कानुनी लडाइँ रहेको आइटी विज्ञहरुले बताएका छन् । ट्वीटरले मस्कविरुद्ध मुद्दा दायर गरेको छ । मुद्दाको सुनुवाई अक्टुबरमा सुरु हुनेछ । समाचार एजेन्सी रोयटर्सका अनुसार ट्वीटरको सेयर मूल्य तीन प्रतिशतले गिरावट आएको छ । एजेन्सी
