‘सिराईचुली होटल’ र ‘एनपिआई नारायणी सामुदायिक अस्पताल’मा गरिमा विकास बैंकका ग्राहकलाई विशेष छुट
काठमाडौं , गरिमा विकास बैंकले पर्यटकिय जिल्ला चितवनको भरतपुरमा अवस्थित ‘सिराईचुली होटल’ र ‘एनपिआई नारायणी सामुदायिक अस्पताल’सँग विभिन्न सेवा सुविधामा आर्कषक छुट सम्बन्धी सम्झौतामा हस्ताक्षर गरेको छ ।
सम्झौतापत्र अनुसार यस विकास बैंकको डेविट कार्ड र गरिमा डिजि बटुवा प्रयोग गरि बिल भुक्तानी गर्ने ग्राहकले ‘सिराईचुली होटल’बाट रुम तथा ब्रेकफास्टमा २५ प्रतिशतसम्म र फुड एण्ड वेभरेजमा १० प्रतिशत छुट पाउन सक्ने बैंकले उल्लेख गरेको छ ।
‘एनपिआई नारायणी सामुदायिक अस्पताल’को विभिन्न सेवामा आर्कषक १० प्रतिशत छुट प्राप्त गर्न सक्ने बैंकले जनाएको छ ।
बैंकले नेपालभर १२० शाखा कार्यालय, १ एक्स्टेन्सन काउन्टर र ५१ एटीएमबाट सरल, सुरक्षित एवं गुणस्तरीय सेवा प्रदान गर्दै आइरहेको जनाएको छ ।
