काठमाडौं उपत्यकामा सिटिजन्स बैंकको थप ३ शाखा
काठमाडौं, सिटिजन्स बैंक इन्टरनेसनल लिमिटेडले थप ३ शाखा सञ्चालनमा ल्याएको छ ।
बैंकले १७८औं, १७९औं तथा १८०औं शाखा भक्तपुरको सूर्यविनायक, काठमाडौंको धुम्बाराही र ललितपुरको थसिखेल गरी थप ३ वटा शाखाहरू संचालनमा ल्याएको हो ।
यससँगै काठमाडौं उपत्यका भित्र यस बैंकको ३५ वटा शाखाहरू र बाग्मती प्रदेशमा ४९ वटा शाखाहरू संचालनमा रहेका छन् ।
बैंकका प्रमुख कार्यकारी अधिकृत गणेशराज पोखरेलले प्रुडेन्ट बैंकिङ र सुशासनमा कुनै सम्झौता नगरी काम गर्न सम्पूर्ण कर्मचारीहरूलाई बैंकमा आयोजित नयाँ शाखाहरू आरम्भ समारोहमा बताए ।