दाङमा आफै पढ्ने स्कुलको बसले किच्दा तीन वर्षीया बालिकाको गयो ज्यान
दाङ । दाङ देउखुरीको गढवामा स्कुल बसले किच्दा एक तीन वर्षीया बालिकाको ज्यान गएको छ । न्यु मुनराइज बोर्डिङ स्कुलको ना ६ ख ६४३२ नम्बरको बसले किच्दा त्यही स्कुलमा पढ्ने गढवा गाउँपालिका-७ मानपुर उत्तर टोलकी पूजा थापाको ज्यान गएको जिल्ला प्रहरी कार्यालय दाङले जनाएको छ ।
हिजो स्कुल सकेर घर जाने बेला स्कुल बसबाट ओर्लेकी बालिकालाई बसको पछाडिको टायरले किचेको थियो । गम्भीर घाइते भएकी थापाको उपचारका क्रममा लमही अस्पतालमा ज्यान गएको प्रहरीले जनाएको छ । स्कुलको बस चालकलाई प्रहरीले पक्राउ गरेको छ ।
