गुल्मीको सिमिचौरमा ट्रक दुर्घटना, चालकको गयो ज्यान
गुल्मी । गुल्मीमा ट्रक दुर्घटना हुँदा चालकको ज्यान गएको छ । आइतबार बिहान रेसुंगा नगरपालिका- १० को सिमिचौरमा लु १ ख १८६६ नम्बरको ट्रक दुर्घटना हुँदा चालक रन बहादुर ढेँगाको ज्यान गएको सशस्त्र प्रहरी नायब उपरिक्षक निबन कुमार खड्काले जानकारी दिएका छन् ।
चालकको घटनास्थलमै ज्यान गएको प्रहरीले जनाएको छ । गुल्मीबाट बुटवल जान हिंडेको ट्रक सिमिचौरमा दुर्घटना भएको हो । जिल्ला प्रहरी कार्यालय गुल्मी र सशस्त्र प्रहरी वल गुल्मी ३७ नम्बरको सुरक्षाकर्मीको टोलीले घटनास्थलबाट शव निकालेका छन् । अहिले मृतक ढेँगाको शव पोष्टमार्टमको लागि गुल्मी अस्पताल तम्घासमा राखिएको छ ।
