चीन र ताइवानका जहाज आमनेसामने
काठमाडौँ । ताइवान खाडीमा चीन र ताइवानी जलसेनाका विमान आमने सामने भएर बसेका छन् । अन्तर्राष्ट्रिय समाचार संस्था रोयटर्सका अनुसार करिब १० चिनियाँ र ताइवानी जलसेनाका जहाज ताइवानको खाडीस्थित मध्यरेखामा आइतबार बिहान नजिकै देखिएका छन् ।
चीनले ताइवानलाई घेरेर अहिले सैन्य अभ्यास गरिरहेको छ । ताइवानले भने चीनको सैन्य अभ्यासको निरीक्षणको लागि पनि आफ्ना जहाज खटाएको छ । दुवै पक्ष अहिलेसम्म भने शान्त देखिएको समाचारमा उल्लेख छ । अमेरिकी सभामुख न्यान्सी पेलोसीले ताइवानको भ्रमण गरेसँगै त्यसको विरोधमा चीनले ताइवानलाई घेरेर सैन्य अभ्यास सुरु गरेको हो । एजेन्सी
