करेन्ट लागेर बिद्युत प्राधिकरणका कर्मचारी मृत्यु
बाजुरा । बाजुराको बुढिगंगा नगरपालिका-२ मा करेन्ट लागेर एक जनाको मृत्यु भएको छ । विद्युतको लाइन मर्मत गर्नेक्रममा करेन्ट लागेर मृत्यु भएको हो ।
आज (शुक्रबार) बडिमालिका नगरपालिका-८ का भक्त रावललाई करेन्ट लागेर थियो । शुक्रबार बिहान नेविप्रा राष्ट्रिय प्रशासरण केन्द्रअन्तर्गत बल्देस्थित ११ केभिए लाइन मर्मत गर्नेक्रममा करेन्ट लागेर रावल गम्भीर घाइते भएका थिए ।
घाइते रावलको उपचारका लागि तत्काल बयालपाटा अस्पाताल लगिएको उनका आफन्त अके रावलले बताए । त्यहाँ उपचार सम्भव नभएपछि थप उपचारको लागि एम्बुलेनसमार्फत कोहलपुर मेडिकल कलेज लैजाँदै गर्दा बाटोमा मृत्यु भएको मृतकका आफन्त रावलले बताए । रावल नेपाल बिद्युत प्राधिकरण बाजुरा वितरण केन्द्रमा कार्यरत कर्मचारी हुन् ।