हुण्डीको ६९ लाख नगद र १५ लाखको चेकसहित तीन जना पक्राउ


२ भाद्र २०७९, बिहीबार
84 Shares
hundi karobar

काठमाडौं । काठमाडौंको घण्टाघर क्षेत्रबाट स्रोत नखुलेको ६९ लाख नगद र १५ लाखको चेकसहित प्रहरीले तीन जना पक्राउ परेका छन् ।

पक्राउ पर्नेमा काठमाडौंको तारकेश्वर नगरपालिका-१० मनमैजुका ४५ वर्षीय माधव श्रेष्ठ, बाराको महागढीमाईनगरपालिका-७ वेनौली घर भई हाल कुलेश्वर बस्ने३३ वर्षीय सुनिल कुमार शाह र धनुषाको जनकपुरधाम उपमहानगरपालिका-३ घर भइ हाल टेकु बस्ने ३३ वर्षीय अकिंत गोयनका छन् ।

salt trading.gif.pagespeed.ce .ZcRuUKaeUT
Hundi nagad wYCMK8b1NT


काठमाडौं उपत्यका अपराध अनुसन्धान कार्यालयले घण्टाघर एरियामा विभिन्न व्यक्तिहरुले राजस्व चुहावट गरी गैरकानुनी रुपमा हुण्डी मार्फत वित्तिय कारोबार गर्दै आएको भन्ने विशेष सूचनाका आधारमा माधव श्रेष्ठ समेतका व्यक्तिहरुलाई निगरानी गर्ने क्रममा विशेष प्रहरी टोलीले घण्टाघरस्थित जामे मार्केट भवनमा सटर भाडामा लिई माधव श्रेष्ठले सञ्चालन गरेको संजोग टुर्स एण्ड ट्राभल्स प्रालिमा लुकाइछिपाइ राखेको अवस्थामा नगद ६० लाख रुपैयाँ बरामद गरेको थियो ।


श्रेष्ठको कार्यालयमा हुन्डी भुक्तानी गर्न आएका अंकित गोयनकाका कर्मचारी सुनिल कुमार शाहलाई समेत नियन्त्रणमा लिइ कलंकीस्थित अंकित गोयनकाले सञ्चालन गरेको आनी इन्टरनेसनल नामक कार्यालयमा खानतलासी गर्दा प्रहरीले नगद ९ लाख रूपैँया बरामद गरेको हो ।
प्रहरीले ‘फास्ट ट्रयाक इन्टरनेसनल प्रालिका नाममा जारी भएको रु १५ लाखको चेक समेत बरामद गरेको छ । पक्राउ परेका व्यक्तिहरुलाई आवश्यक कारबाहीका लागि राजश्व अनुसन्धान विभाग, हरिहर भवन ललितपुर पठाइएको प्रहरीले जनाएको छ ।

jagdamba.cement
rbbbb

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७