महालक्ष्मी विकास बैंकको उच्चतम व्याजदरको ‘महा बचत खाता’ सञ्चालनमा
काठमाडौं । महालक्ष्मी विकास बैंकले उच्चतम व्याजदरको ‘महा बचत खाता’सार्वजनिक गरेको छ ।
बचत खातामा बचत खाताहरु मध्ये सबैभन्दा उच्चतम ९ प्रतिशत व्याजदर, निशुल्क एटिएम कार्ड तथा मोबाइल बैकिङ सुविधा प्रदान गर्ने बैंकले जनाएको छ ।
बैंकका अनुसार ५ सय मै खाता खोल्न सकिने यस बचत खातामा मासिक ब्याज भुक्तानी हुनेछ ।
विगतदेखि नै ग्राहकको आम्दानीमा उच्च प्रतिफल दिन प्रतिबद्घ रहिआएको बैंकले आम ग्राहकको बैंकिङ्ग आवश्यकता, चाहना तथा अपेक्षालाई मध्यनजर गर्दै महालक्ष्मी महा बचत खाता सञ्चालनमा ल्याएको हो ।
देशैभर छरिएर रहेका १ सय ३ शाखाहरु मार्फत खाता खोल्न सकिने बैंकले जनाएको छ ।
यस बैंकले प्रदेश नं १ मा ५, प्रदेश नं २ मा १५, बाग्मती प्रदेशमा ३७, गण्डकी प्रदेशमा ९, लुम्बिनी प्रदेशमा १८, कर्णाली प्रदेशमा २ र सुदुरपश्चिम प्रदेशमा १७ वटा गरी कुल १ सय ३ वटा शाखाहरु मार्फत करिब ६ लाख ग्राहकहरुलाई उच्चस्तरीय वित्तीय सेवा प्रदान गर्दै आइरहेको छ ।