चिनियाँ आक्रामकताबीच दुई अमेरिकी युद्धपोत गए ताइवान स्ट्रेटमा


१२ भाद्र २०७९, आईतवार
taiwan us warship

काठमाडौं । दुई अमेरिकी नौसेना युद्धपोतहरूले आइतबार ताइवान स्ट्रेटको अन्तर्राष्ट्रिय जलक्षेत्रमा गस्ती गरेका छन् । अमेरिकी सभामुख न्यान्सी पेलोसीले विवादित रुपमा ताइवान भ्रमण गरेयता अमेरिकाले पहिलो पटक आफ्ना युद्धपोत त्यहाँ पठाएको हो ।

क्रुजर चान्सेलर्सभिल र एन्टिएटमले अपरेशन गरिरहेको अमेरिकी नौसेनाले बताएको छ । यस्ता अपरेशनहरू पूरा गर्न सामान्यतया आठदेखि १२ घण्टा लाग्छ । यो गतिविधिलाई चिनियाँ सेनाले नजिकबाट गरिरहेको हुन्छ । हालैका वर्षहरूमा अमेरिकी युद्धपोत र कहिलेकाहीं बेलायत र क्यानाडा जस्ता सहयोगी राष्ट्रहरूका युद्धपोतले नियमित रूपमा ताइवान स्ट्रेट हुँदै गस्ती गर्ने गरेका छन् । यसले चीनलाई क्रोधित बनाउने गरेको छ भने ताइवानलाई समर्थन मिल्ने गर्छ ।

salt trading.gif.pagespeed.ce .ZcRuUKaeUT

अगस्तको शुरुमा भएको पेलोसीको ताइवान भ्रमणले चीन आक्रोशित बनेको थियो भने यसले आफ्नो आन्तरिक मामिलामा हस्तक्षेप गर्ने अमेरिकी प्रयासका रुपमा भ्रमणलाई व्याख्या गरेको थियो । त्यसपछि चीनले उक्त टापु नजिकै सैन्य अभ्यास शुरु गरेको थियो जुन त्यसयता जारी छ ।

city
ncll 2

’यी (अमेरिकी) जहाजहरू कुनै पनि तटीय राज्यको क्षेत्रीय समुद्रभन्दा परको जलडमरूमध्यको कोरिडोरबाट ट्रान्जिट भएका थिए,’ अमेरिकी नौसेनाले भनेको छ । यो अपरेसनले स्वतन्त्र र खुला इन्डो प्यासिफिकमा संयुक्त राज्य अमेरिकाको प्रतिबद्धता देखाउँछ र अन्तर्राष्ट्रिय कानूनले अनुमति दिएको ठाउँमा अमेरिका सेना उड्ने गस्ती गर्ने र अपरेशन चलाउने नौसेनाले जनाएको छ ।

jagdamba.cement
nepal liquors

चिनियाँ सेनाको पूर्वी थिएटर कमाण्डले जहाजलाई पछ्याउँदै चेतावनी दिएको बताएको छ । ’थिएटरमा सेनाहरू उच्च सतर्कमा रहेर कुनै पनि समयमा कुनै पनि उत्तेजनालाई विफल पार्न तयार छन्,’ चिनियाँ पक्षले विज्ञप्तीमार्फत भनेको छ । ताइवानको रक्षा मन्त्रालयले जहाजहरू दक्षिण दिशामा यात्रा गरिरहेको र यसका सेनाहरूले निरीक्षण गरिरहेको तर स्थिति सामान्य रहेको बताएको छ ।

प्रतिक्रिया

  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७