ब्याटिङ नचल्दा नेपाल केन्यासँग पराजित


१३ भाद्र २०७९, सोमबार
kenya 1

काठमाडौँ । नेपाललाई ७ रनले पराजित गर्दै केन्याले पाँच ट्वान्टी-२० खेलको श्रृंखला २-२ बराबरी गरेको छ । नैरोबीमा भएको श्रृंखलाको चौथो खेलमा १०२ रनको सामान्य लक्ष्य पूरा गर्न सकेन । ब्याटिङ नचल्दा नेपालले केन्यासँग पराजय व्यहोर्नु परेको छ ।

निर्धारित २० ओभरको खेलमा नेपालले ९ विकेटको क्षतिमा ९४ रन मात्रै बनाउन सक्यो । नेपालका लागि रोहित पौडेलले ४७ रनको पारी खेलेका थिए । अन्तिम ओभरमा बोल्ड हुनअघि ५५ बल खेलेका पौडेलले २ छक्का र २ चौका प्रहार गरेका थिए । पौडेलबाहेक कुनै पनि नेपाली ब्याट्सम्यानले दोहोरो अंकमा रन बनाउन सकेनन् ।

यसअघि टस जितेर ब्याटिङ गरेको केन्याले २० ओभरको अन्तिम बलमा अल आउट हुँदै १०१ रन मात्रै बनाउन सक्यो । नेपालका लागि सन्दीप लामिछानेले ५ विकेट लिएका थिए । ४ ओभर बलिङ गरेका लामिछानेले ९ रन दिएर ५ विकेट लिएका थिए ।

केन्याका लागि लुकास ओलुचले ३३ रन बनाएका थिए १८ बल खेलका उनले ३ छक्का र ३ चौका प्रहार गरेका थिए । कोलिन्स ओबुयाले २० रन र शेम गोचेले १३ रन बनाए । पहिलो र तेस्रो खेलमा नेपालले जितेको थियो भने केन्याले दोस्रो र चौथो खेल जितेको हो । शृंखलाको अन्तिम खेलमा मंगलबार हुने छ ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७