नारायणघाट-मुग्लिङ सडकखण्ड अवरुद्ध
चितवन । वर्षात कारण माथिबाट पहिरो खसेपछि नारायणघाट-मुग्लिङ सडक खण्ड अवरुद्ध भएको छ । भरतपुर २९ सो सडक खण्डको केराबारीमा बिहान साढे २ बजे माथिबाट पहिरो झरी बाटो दुईतर्फी बन्द भएको हो । सो स्थानमा पहिरो हटाउने प्रयास भइरहेको जिल्ला प्रहरी कार्यालय चितवनले जनाएको छ ।
त्यस स्थानमा पटक-पटक लेदोसहितको पहिरो खस्दा सडक अवरुद्ध हुने गरेको छ । पहिरो खसेपछि गन्तव्यमा हिँडेका यात्रुहरु अलपत्र परेका छन् । अहिले सवारी साधनको लामो लाइन लागेको छ ।
