सत्तारुढ गठबन्धनको बैठक निष्कर्षविहिन सिट : बाँडफाँटमा विवाद कायमै
काठमाडौं : आम निर्वाचनको सिटको बाँडफाँट गर्न बसेको सत्ता गठबन्धन शीर्ष नेताहरुको बैठक निष्कर्षमा बुधबार पनि निष्कर्षविहिन भएको छ ।
बुधबार साँझ ५ बजेदेखि ८ बजेसम्म भएको बैठकमा सिट बाँडफाँटको विषयमा शीर्ष नेताहरु नै तिव्र विवाद भएको बैठकमा सहभागी एक नेताले बताए । बुधबार सहमति नभएपछि बिहीबार पुनः बस्ने गरी बैठक सकिएको छ ।
बैठकमा सहभागी ती नेताका अनुसार आजको बैठकमा सबै दलका नेताहरुले आआफ्नो दाबीबाट ठसमस भएनन् । बैठकमा सधैं जस्तै कांग्रसले १०० सिट पाउनुपर्ने दावी नेपाली कांग्रेसले गरेको छ । माओवादीले ६०, नेकपा एकीकृत समाजवादीले ४०, जसपाले ३२ र जनमोर्चाले २ सिटको दावी गरेका छन् ।