पहिरोले नारायणगढ-मुग्लिन सडक खण्ड अवरुद्व
चितवन । पहिरोले नारायणगढ-मुग्लिन सडक खण्ड अवरुद्व भएको छ । भरतपुर महानगरपालिका-२९ केराबारीस्थित नारायणगढ-मुग्लिन सडक खण्डमा बिहीबार बिहान ५ बजेर ५० मिनेटतिर माथिबाट लेदोसहितको पहिरो झर्दा बाटो अवरुद्व भएको हो ।
उक्त स्थानमा प्रहरी टोली गई सडक विभागसँग समन्वय गरी खुलाउने पहल भइरहेको चितवन जिल्ला प्रहरी कार्यालयका प्रवक्ता डिएसपी नरहरि अधिकारीले जानकारी दिएका छन् ।
